19.

O tu suavissima virga

Frondens de stirpe Iesse

O quam magna virtus est,

Quod divinitas

5

In pulcherrimam filiam aspexit,

Sicut aquila in solem

Oculum suum ponit.

Cum supernus pater claritatem virginis

Adtendit,

10

Vbi verbum suum

In ipsa incarnari voluit.

Nam in mistico misterio dei,

Illustrata mente virginis,

Mirabiliter clarus flos

15

Ex ipsa virgine exivit.

Cum supernus pater claritatem virginis

Adtendit,

Vbi verbum suum

In ipsa incarnari voluit.

20

Gloria patri et filio

Et spiritui sancto,

Sicut erat in principio.

Cum supernus pater claritatem virginis

Adtendit,

25

Vbi verbum suum

In ipsa incarnari voluit.