8, 8

Taetro penates omine patrios

Liquistis, hoc rus Marte sequi rati.

Quae vana mentes ludit opinio?

Quae caeca sensus corripuit fides,

5

Hoc arbitrantes posse solum capi?

Non amplitudo Suetica cedere,

Non exterorum Marte valet quati.

At summa vestri defluet agminis,

Cum Marte nostros coeperit aggredi.

10

Nam cum ferocem vim fuga solverit

Et proeliorum pars vaga labitur,

In terga dantes Marte prioribus

Caedis potestas liberior datur;

Maiorque ferri parta licentia,

15

Cum sors rebellem praecipitem fugat,

Nec tela tentat, quem metus abstrahit.