Catalogus materiae

Quintus habet strages et particularia bella.

Rodolia de Valle fugat rex obsidionem,

In triduo properanter agens iter octo dierum.

Richardus Britones, capto Virsone, molestat;

5

Arturum patruo tamen illi reddere nolunt.

Dangutum vertit, simul Albumarumque, Philippus;

Ipsius unde volens Richardus castra levare,

Vincitur, inque genu telo Gaillone feritur,

Nemurci comitem capiunt; tria millia Franci

10

Vallorum obtruncant. Belvaci presule capto,

Richardus voluit subito retinere Philippum,

Milite cum raro Curcellis forte meantem;

Quo nimis indignans filum illius Atropos occat.