8.

Vnica quae quondam vino mutaverat undas

Proles supremi et genitoris summa voluntas,

Distribuens populis cumulati et munera farris,

Et mensis a quo est imposita aquatica praeda:

5

Omnes hic satiat diversis lancibus apte

Et duplicata adhibet semper subsidia vitae.

Importuna refraenans his discrimina famis

Ardoremque sitis, cruciat quos saeva cupido,

Ex incantato claris concentibus hymno

10

Corde patris genito, cui una patrique potestas

Semper adest, cuique spiritus sine tempore almus

Et nunc et semper sine fine manebit adauctus.