17. responsoria

Auctore card. Thoma Capuano

7

Carnis spicam, contemptus area,

Franciscus frangens, terens terrea,

Granum purum, excussa palea,

Summi Regis intrat in horrea.

Vivo pani morte iunctus,

Vita vivit vitafunctus.

8

De paupertatis horreo

Sanctus Franciscus satiat

Turbam Christi famelicam,

In via ne deficiat;

Iter pandit ad gloriam

Et vitae viam ampliat.

Pro paupertatis copia

Regnat dives in patria,

Reges sibi substituens,

Quos hic ditat inopia.

9a

Sex fatrum pater septimus,

Absorptus luce caelitus,

Futura contemplatur.

Inter Minores minimus,

Quis parvi gregis exitus

Praeclare speculatur.

Quadrans quoque novissimus

Culparum sibi penitus

Dimitti revelatur.

9b

Arcana suis reserans.

Octavum tandem recipit,

Et ad diversas gentes

Rinos mittendos foederans,

Humiliari praecipit

Et esse patientes,

Grex procidit obtemperans,

Pastor erectos suscipit

Ad oscula gaudentes.

9c

"Euntes", inquit, "in eum

Qui nutriet vos Dominum

Iactate cogitatum".

Sic fratribus erroneum

Praecludit et interminum

Callem cupiditatum.

Sic curis cor extraneum

Non providet in crastinum

In zonis aes ligatum.

9d

Regressis quos emiserat,

Completur bis senarius

Fratrum; dum confirmando

Normam sancto quam scripserat,

Iussa dat Innocentius

Papa de praedicando.

In mna Franciscus foenerat,

Quem dati movet ratio

De lucro reportando.