2. variatio de libro IV

... pietate profusus,

Subsidiis lapsus hominum relevare studebat,

Consiliis curas, blandimentisque dolores,

Rebus egestates, verbis fastidia, donis

5

Iacturas, epulisque famem, laribusque laborem;

Praesertim profugis, pupillis et viduabus

Corde pio miserens, profugorum sicut asylum,

Et pupillorum sicut pater, et viduarum

Sicut sponsus erat, faciens satis unus ad omnes

10

Vltra quam posset se dilatare facultas,

Vnde placere Deo se vult elemosyna soli,

Inde Deo populoque placet, famamque meretur

Sponte, sed assequitur invitus; et inde cavendum

Ducit, ne praesens adimat sibi fama futuram.