3. hymnus ad Vesperas

Martir egregie, deo dilecte,

Ad te clamantium voces tuorum.

Audi propicius, sancte Kanute!

Tu per innumera mortis tormenta

5

Triumpho nobili promeruisti .

Martirum milicie signifer esse.

Vana iudicasti gaudia mundi

Et transitoria dulcis vite

Memor Cristi tui mente liquisti.

10

Vnde pro meritis fulges in celis

Vt inter sidera sol atque luna,

Certus iam premii, pro quo certasti.

Ora pro famulis tibi deuotis

Ac coram iudice veniam posce,

15

Ne nos iudicio dampnet extremo.

Trinitati sit decus, honor et virtus,

Inseparabili laus Vnitati,

Consors imperium omne per euum. Amen.