4. hymnus ad laudes

Accelerant, ut rapiant, iniqui cetus hominum;

Persequuntur et iugulant serui regem et dominum.

Dum ab iniquis plectitur, dignum linquit memoria:

Pro fide Christi moritur rex sanctus in ecclesia.

5

Regem digne mirificat sanitatum frequentia,

Quam testatur et predicat languentum cura varia.

Regis prece dulciflua nos, deus clemens, adiuua

Et mundi de miseria perduc ad celi gaudia.

Laus, honor, virtus, gloria deo patri et filio

10

Sancto simul paraclito regali pro victoria. Amen.