Prologus

Dulcis ad hec Herato fatur: "tua pene phazelus

      Mersa fuit, nimias sollicitavit aquas

Non sunt a rudibus temptanda profunda, cucurrit

      In dubiis Argo casibus ausa nimis.

5

Te iuvere sacre mote pietate sorores.

      Ipsis nam placuit sors memorata viri.

Te precor, ut referas michi quid - michi nomen Amoris -

      Et quandoque placens miles Amoris eras."

Huius commotus miti prece remigo, quamvis

10

      Fessus adhuc; faveat sacra Minerva michi!