10.

Agricola indomitus secat ornum

Montibus insistens. Grave ferrum

Dirigit in cuneum; cadit illa

Cum sonitu, ruit arboris alte

5

Culmen et egregium vacat omen.

Concidit et veteris decor orni.

Menia celsa ruunt pede prono.

Intereunt pecudes gregis alti;

Campos perdit flamine nostro

10

Qui putat aurea stringere fulcra.

O, quid avarus habet? Sua numquam

Possidet atque iugo subit auri.

Nam cum stultus deserit orbem

Nulla reum tegit indica gemma,

15

Sanguinis inclitus occidit ortus.

Regia namque domus nece tali

Corruit et altus honos non

Tegit quemquam a fulmine nostro.

Non igitur levibus bona summa

20

Perdite nubibus que cito fumant".