5.

"Heu quantos hominum fulgidus ether

Decepit ponto fraude sereni!

Equora sulcantes credere tutum

Putant se limphis sole rubente.

5

Mox mare turbatum, flante procella,

Precipites traxit, puppe revulsa.

Autumnus flores misit in auras,

Ramos explicuit frondibus almis

Dumque virere parant, ecce pedester

10

Brumalis boreas undique frendens

Frigoribus densis cetera turbat;

Corripit hic flores ore protervo;

Laxant omne decus illius ausu.

Blandimenta refert scorpio cauda,

15

Pedibus alludit, corpora lingit,

Protinus, infandum, cuspide pungit.

Ergo alte vestiga oculis nubila solvens,

Et caveas laqueos luce profunda.

Mors mala nos fallit plurima spondens,

20

Occulto aculeo pungere gliscens".