3.

Felix qui valuit soli

Pontum currere lubricum!

Felix qui valuit suis

Mundum vincere moribus!

5

Felix qui valuit motus

Sevos sternere cordium!

Si vis namque libidinem

Castris pellere pectoris,

Armis cingere lucidis,

10

Ensis sit tibi parcitas,

Custos sincipitis pudor,

Scutis utere virium.

Que cum plane sub edibus

Carnis suscipit aditum

15

Arcem scandere pectoris,

Tunc sit grande remedium.

Hec cum longe refulserit,

Vultum cum impavida flexerit,

Arcum tende velociter

20

Eius pectora saucians.

Nam si blanda resederit

Et te melle perunxerit,

Mentem protinus allicit

Mellis funera iactitans.

25

Quisquis admodo queritas

Expugnare libidinem

Primus otia dissipes.

Ventrem crapula nesciat.

Hec si firme peregeris

30

Victor merito diceris".