7.

Vt campos virides floribus insitos

Frigus turbat anhelum

Et perdunt propria munera floridi

Trunci flamine venti,

5

Vt spinas spoliant tegmine lucido

Miste grandine lymphe,

Extirpant radios unde coloribus

Florum germina splendent,

Sic noster baculus omnia dissipat,

10

Nullis federa servat.

Hic pulchros iuvenes ordine percutit,

Gaudet perdere nymphas.

Nos vultus placidos labraque fulgida

Nostra peste lavamus,

15

Flavas cesaries omine perfido

Tristi carne pilamus".