2.

Si quantos variis floribus insita

Servant prata colores,

Aut quot nubiferis subdita montibus

Leta gramina rident,

5

Tantas donet opes, nec terminus assit,

Fultus Iuppiter auro,

Semper plura tamen seva rapacitas

Gliscit non sua querens

Et quesita tenens, nec sibi sufficit.

10

Sitis crescit et ardet.

O! quis frena dabit seve cupidini?

Quis scit tinguere flammam?

Largus qui placidis claret honoribus,

Cum iam parta refundit,

15

Qui cum donat, habet et sua munera

Leta fronte serenat.

Titum nobilitat hec curialitas,

Ista dote refulget.

Numquam letus erat si sua gratia

20

Dignis clausa fuisset.

Fame ut igitur gloria splendeas

Dextra non sit avara".