2.

Haec, ut vobis nulla desit, Karle care, gratia,

Versuum mensura pandit atque aerarum quantitas,

Regis nec non mensa dives cognomento ferculum

Prompsit vobis sana, princeps, per doctorum fercula.

5

Quae plano sermone dicta strinxi lege carminum

Et prosa diserta iunxi, diversis ut caveas.

Supra quaedam nempe de his explanavi largius!

Vt transcurrens quippe quaedam computavi strictius.

Et si dignum stricta ducis explicari plenius,

10

Adsum votis, forte nobis si donantur otia.

Prendat rex, quae praesul offert, et demonstret moribus

Sensu verbo haec in actu cunctis regno subditis.

Longa felix vivat isto Karlus vita in saeculo,

Vivat clarus semper almo sanctorum in consortio.