6.

Exodus Hebream valide concrescere plebem

Praetitulat magni Ioseph pia facta revelans.

At natus Moyses positus salvarier undis

A regis nata rapitur, nutritur et inde.

5

Mystica signa rubi dum cernit luce repletus,

Mittitur Aegypti partes iam factus amicus

Aeterni regis splendens per signa draconis,

Quo domini populo Pharaonis fasce gravato

Deservire deo cedat nexusque resolvat

10

Ille ferox: illos factis ingentibus urget,

Vnde manum domini validam, denas quoque plagas

Sentit adesse sibi victus per bella tonantis,

Dum currus proprios, plebem, quam rexit, et omnem

Fluctibus in mediis cursum finire tuetur.