1.

O iuvenis clarae rutilans splendore iuventae,

      Versibus, oro, tuis debita redde meis.

Te nam ceu quendam cupiens iam scire poetam

      A te versiculos posco, requiro novos,

5

Nosco, quod a domino venit tibi gratia Christo,

      Per quam multiplici arte vigebis ovans.

Tempore iam longo quodam ceu tecta merore

      Fistula nostra iacet et pigra lingua silet.

Nullus, enim fuerat, qui me per carmen adiret

10

      Versibus aut aures vellet adire meas.

Gaudeo sed iuvenem te nunc florere poetam,

      Per quem dulcisono carmine tangar iners.