1e.

Ordine fit primus regali nomine functus,

Candidus ad dextram bis binus deinde lapillus,

Ordine servato cumulatis quinque nigellis,

Vno sub nigro sedem retinente propinquam.

5

Mox assint terni, quos candida forma decorat.

Proximus huic fiat fuscus quem vultus obumbrat,

Nunc numero compar disparque colore sequatur.

Vt niger hinc recto statuatur in ordine duplex,

Atque locus pateat binis comitantibus albis,

10

Neve nigris ternis sic desit copia standi,

Vnica sors albi demum sua castra capessat,

Alterius forme duplo consorte vocato,

Quo sibi candentum facies ascita dualis

Tam niger accedens variatum terminet orbem.