1a.

Quattuor eximii candoris, quinque nigelli,

      Candiduli bini, unicus atque niger.

Splendentes terni, fuscata pelle nigellus,

      Candidus hinc unus carboneique duo.

5

Fulgentes bini, fuscato tegmine terni,

      Hinc niveus unus horribilesque duo,

Candiduli bini splendentes pelle decora,

      Quos sequitur cunctos unicus atque niger.

Hoc super ingenio cunctos sors nona nigellos

10

      Sic cecidit, turba candida sorte caret.

Dux niger excubias solus cum milite fusco

      Pervigil ingratus duxit adusque diem.

Ast placidam tota carpebat nocte soporem

      Candidus ingenio praeditus atque sui.