1.

Cerberus et cervus distincti pragmate verso

Humanum signant lapsum pariterque regressum.

Namque alter cedens tris sortes reddit ab urna

Debita pandit et hinc operis quoque cordis et oris,

5

Atque triceps quod captat ovans sub lege vorandi,

Est mortis laqueus redigens in pulvere corpus.

Alter sed rediens cursu petit astra polumque.

Pascitur illa avidus requiem sectatus in ipsis,

Inque caput simplex oculos defigere nitens

10

Angues proturbat, donec sua iura reposcat.