2.

Pictor Apelleas cupiens aequare figuras

Sub cephali simplum vanoque tricorpore cervum

E regione canis Cocyti stagna tenentis

Finxit et in simili numero luctamen agonis

5

Longe dissimile et quanto celumque chaosque;

Ergo movens inhiat mortis tria Cerberus ora.

Haec, lector, dum posse subest, vitare memento

Ac cervi de more fugax depelle venena

Serpentis, repetens rivum fontemque salutis.

10

Christus ad haec virtus, cursus requiesque suorum.