Praefatio

Mesta diu miseras hominum

Musa refert operas, melicum

Qui fugiendo patrem putidis

Vltro dedere manus uitiis.

5

Gens mala uernula ceu ueneris:

Creuerat aggere multiplici;

Quam numerosior extiterat,

Se magis mage polluerat.

Digna satis seges illa foco

10

Grana sed edidit apta penu.

Stemma patrum positum in serie

Post, docet ut rethor aecclesiae:

Hic animale prius posuit,

Spirituale dehinc statuit.

15

Triste camena ita primo locat,

Laetius inde quid ut recinat,

Si moueat modo uerba rei

Qui dedit os asinale loqui.