8. de tertio Stefano papa

Tertius hinc Stephanus, sacris feritate remota

Culminis invasi, Pauli sortitur honorem:

Strenuus et doctus, decessorum almus alumnus.

Qui presso latrone, Deique examine plexis

5

Furibus, et tanti sceleris ductoribus actis,

Concordi voto parilique favore senatus,

Primatum cleri bellique urbisque aurorum

Deligitur, digno praesulque sacratur amore.

Errorum nebulas quo discutiente, cientur

10

Vndique pontifices, ipsoque vocante gregatur

Concilium Romae, Patrum sacra iura tuentum.

Opprimitur scitis error, multatur et auctor.

Poenitet illicite iunctos in sacra ministros.

Perverso censetur onus resecatur iniquum,

15

Criminis exemplum, divinaque iura dicantur.

Depulso Roma, Ravennam proximus horror

Invadit, premiturque pio fervente rigore

Praesulis, a iusto nulla improbitate reflexi.

Vsus ab obsequiis Teucrorum numine summo

20

Ravennate lupum missorum exturbat ovili,

Pastorique pii moderaminis ostia pandit.

Hancque sibique datam cauta bonitate regendam

Instruit Ecclesiam, clerique reformat honorem,

Praesulibusque Petri missas disponit in ara

25

Rite die fieri lucis, Dominoque quotannis

Gloria coelorum angelico pangatur ab hymno.

Ornat apostolicas argenti cultibus aulas,

Vtque valet servans proprios tutatur alumnos,

Deceptos patria defendere mente laborat,

30

Saevorumque dolos studiis sedare benignis