20. de sanctis Amantio et Florido

Quam validae senior virtutis Amantius actu

Simplicitate nitens effulserit aegra levando

Tactu membra manus et apostolico altus honore,

Quam, crucis ad signum, virosa extinguere fortis

5

Floridus, enarrat dapium decoramine pastus

Multiplici praesul crebro et saturamine plenus,

Gregoriusque pater, verique nitoris amator

Apposito probat insano salvoque recepto.