16. de sancto Martino

Marsica Martini iuga promeruere triumphos

Saepe videre geri, subici atri colla draconis

Pellere praestanti nitentis sede columnam

Coelestis rutilo vitae splendore nitentem.

5

Securi siquidem penetrans per crebro latebram,

Iungit se strato precibus, tendensque tremorem

Incutere oranti vinceda thema ministret;

Nec valet intectam temnentis stringere carnem;

Titanisque ubi ter metas consumit inane,

10

Accensus Phlegetontaei fervore furoris

Evomit horrificas devexa per invia flammas,

Dans sese in praeceps sparsis nemora ignibus urens:

Sic victi furiis victoris gloria claret.

Cui de rupe ferens prisco undam munere Christus

15

Quam charo famulum docet amplectatur amore.

Idque repentina muliebria fata ruina

Notificant laesisse Deum quae laesit alumnum:

Nec minus et pueri proh mira relatio lapsi

Per scabros tute scopulos, per prona ruentis

20

Rupis et avulsae saltus super obvia tecta,

Speluncam patris impulsu ne laederet actae;

Ipsa catena pedem, Benedicti ad iussa resolvens,

Saepe fatiscenti tribuit quae robora recti

Funicoloque dedit ferri traxisse vigorem.