27. de sancto Germano Antissiodorensi episcopo

Germanus ipse praesul urbis gallicae,

Doctor sophiae fulgurans vibramine,

Post multa clari roboris magnalia,

Animaeque raptos bis Britannos funere

5

Huc pacis actus obtinendae gratia,

Exceptus aula gloriose fungitur,

Hicque, inter alta sanctitatis lumina

Deprompta letho, suscitat iuvenculum

Volusiani nobilis clientulum,

10

Dominoque se visente, linquens terrea,

Superna scandit luce mactus culmina;

Queis clara splendet celsus inter sidera

Plebi fideli comitate regia.