29. de sanctis Hermagoro et Fortunato

Marci discipulo radiata Aquileia nitescit,

Hermagoro tradente, bibens de flumine Petri,

Clara salutiferae qui post miracula lucis,

Dogmatis instantem studio fervente laborem,

5

Eductam fidei populorum fomite messem,

Plurima poenarum constanter tormina victa,

Cum Fortunato primo ad pia sacra ministro

Iacturam capitis coeli compensat honore.