105. apostropha

Moliuntur ecce plures,

O Ricarde benigne,

Duxque patriciusque magnus,

Cunctis et comes almus.

5

Subiugare te potenter

Vafra calliditate,

Et retractat quisque dolo,

Quo te perdat inique.

Propter hoc stude valenter

10

Certa, speque, fideque,

Enitere vi micante,

Meritis merceque iusta,

Quo queas vigere semper

Solerti probitate,

15

Callis et iusti tenere

Libram, rectum itinerque.

Frueris sorte tali,

Quo nunquam capieris:

Sed vigebis seculorum

20

Iam per saecula cuncta.