1.

Alfa et ω, dominans, sine calce per aethera regnans,

Sidera et arva tuis stringens quoque cerula frenis,

Subtilis cui vis sensus largitor et artis,

Sustollens humiles squalenti pulvere mentes,

5

Sis fautor operis sine te nihil esse valentis,

Scribere quo faveas semitas quoque condere rectas,

Splendet et in metris sic regula versificalis,

E si cordis fibras satiet tua gratia larga.

Aurea spes orbis, tuus Otto nempe fidelis,

10

Sceptra paterna tenens subdit moderamine gentes.

Si datur, ut faustos senium protendat in annos,

Seque suos vernas felices ducere palmas,

Summa tibi in dextris referet preconia rebus,

Sollerti ingenuos superans modo mente coevos,

15

Signifera comites sancta bene cuspide tutans,

Subdita cui facias sedando barbara iura.

Alme pater, nostris sucurre benigniter ausis,

Sit tibi conplacitus super omnia presul amandus,

Spargit dominicas sublimi docmate gazas,

20

Servatum votis sic, alta Colonia, poscis.

Summe dens, annos seniori presta fecundos,

Scilicet id humilis sperat prece Werdina vallis,

Sancte, favens servis sis nunc, Liudgere, misellis,

Suspendens tetras, struimus quas crimine, penas.

25

Solus enim maculas scis indulgere nocivas,

Spes preclara gregis, splendor ceu solis in astris,

Sentiat in cunctis se Christo preduce gestis,

Sub quo tuta manens salvos habes undique cives.

Scriptorem vilis specta, deus, operis.

30

Sed non despiciens sume tuum miserans,

Sic canit Vffingus servos et ipse tuus.

Splendor, honos, virtus Sit tibi, Christe meus.